සේවාවන්

දියවැඩියාව සහ පාද සුවතාවය

දියවැඩියාවෙන් පෙළෙන විට තමන්ගේ පාද පිළිබඳව සැලකිලිමත් වීම ඉතාමත් වැදගත් ය. දියවැඩියා රෝගීන්ගෙන් 20% ප්‍රමාණයක් රෝහල් ගත වන්නේ කකුල් ආශ්‍රිත ගැටළු නිසා ය. දියවැඩියා තුවාල නිසා ශරීරයේ පහළ කොටස් කපා ඉවත් කිරීමට සිදුවීම ලෝකයේ මෙන්ම ශ්‍රී ලංකාවේ ද දැකිය හැකි සුලභ තත්ත්වයකි.

අනෙකුත් තත්ත්වයන්ට සාපේක්ෂව දියවැඩියාව නිසා පාද ආශ්‍රිත රෝග ඉහළ යන්නේ ඇයි?

දියවැඩියා රෝගී තත්ත්වය පාද සඳහා විවිධාකාරයෙන් බලපායි.

1. දියවැඩියාව නිසා නහර හානි (නියුරෝපති) ඇතිවීමට මග පාදයි. ස්පර්ශය, වේදනාව සහ උණුසුම පිළිබඳව සංවේදනය නැතිවී යාමට එය හේතුවේ. එවිට ඔබට තුවාලයක් සිදු වූ විට වේදනාව දැනේ යැයි සිතා ඔබට බලා සිටිය නොහැකිය.
2. දියවැඩියාව නිසා ශරීරයේ පහළ අර්ධයට රුධිරය සපයන රුධිර නාල කෙමෙන් කෙමෙන් අවහිර කර රුධිර සැපයුම අඩු කරයි. එම නිසා පාද සඳහා පෝෂණය සහ ඔක්සිජන් සැපයුම අඩු වේ. පාදයන්හි ඇතිවන මෙම තත්ත්වය පර්යන්ත සනාල රෝගය (පෙරිපෙරල් වැස්කියුලර් ඩිසීස්) ලෙස හඳුන්වයි.
3. දියවැඩියාව කම්පනයට පත් සම සහ පටල ද්විතියික ආසාදනයට ගොදුරු කිරීමට යොමුවෙන අතර බැක්ටීරියා ආසාදනයන් සමග සටන් කිරීම ඉතාමත් දුර්වල ය. එමනිසා පාදයේ උණුසුම් ස්ථානයක සුළු කාලයකින් සෙලියුලයිට් පැතිරී සම්පූර්ණ පාදය ම කපා ඉවත් කිරීමට සිදුවේ.

ඔබ දියවැඩියා රෝගියෙක් නම් ඔබගේ පාද පිළිබඳව සැලකිලිමත් විය යුත්තේ කෙසේද?

• පාද ස්වයං පරීක්ෂාවකට ලක්කිරීම: මෙය සිදු කිරීම ඉතාමත් වැදගත් ය. සෑම දියවැඩියාවෙන් පෙළෙන්නෙක් ම දිනපතා ම ඔවුන්ගේ පාද පරීක්ෂා කළ යුතුය. පිපිරුම්, කැපීම්, ඉරිතැලීම්, කැල්සියස්, කරගැට, සිරීම්, දුර්වර්ණ වීම්, ඉදිමීම, උෂ්ණත්වය වෙනස් වීම ආදී තත්ත්වයන් පිළිබඳව සැලකිලිමත් විය යුතුය. නියපොතු අතර සහ පාද ඇඟිලිවල හෑරි වැඩුණු නියපොතු අතර දිලීර ආසාදනයන් ඇති වීමේ සලකුණු ඇත්දැයි බලන්න. මෙකී කුමන හෝ තත්ත්වයක් ඔබ නිරීක්ෂණය කළහොත් ඔබගේ මීළඟ සායන දිනය පැමිණෙන තෙක් බලා නොසිට හැකි ඉක්මනින් වෛද්‍ය උපදෙස් ලබා ගත යුතුය. ඉතා හොඳ ආලෝකයක් යටතේ පාද පරීක්ෂා කරන්න අවශ්‍ය විටෙක කැඩපතක් භාවිතයෙන් නිරීක්ෂණය කිරීමට ද ඔබට හැකිය. ඔබගේ පෙනීම දුර්වලනම් හෝ ඔබේ ම පාදය පරීක්ෂා කිරීමට නොහැකි සේ ඔබ තරබාරු නම් ඔබගේ පාද පරීක්ෂා කිරීමට වෙනත් අයෙකුගේ සහාය ලබා ගන්න.
• ඔබගේ පාද දිනපතා ම සෝදන්න: ිනකට වරක් හෝ හොදින් සෝදා වියළා ගන්න. පාද සෝදන විට දැඩි ලෙස උණුසුම් ජලය යොදා නොගැනීමට ප්රවේසම් වන්න. මන්ද ජලය කෙතරම් උණුසුම් ද යන්න ඔබගේ පාදවලට සංවේදනය නොවේ. ඔබගේ ඇඟිලි අතර ප්රදේශයන්ට වැඩි අවධානයක් ලබා දී සෞම්‍ය රෙදි කැබැල්ලකින් ප්රවේශමෙන් කකුල පිසදා ගන්න. ඉන්පසු විලවුන් හෝ ක්රීම් වර්ගයක් ආලේප කිරීමට හැකිය.
• පාදයේ නියපොතු කෙළින් කපන්න: නියපොතු කෙළවර හෝ ගැඹුරට වැඩුණු නියපොතු කැපීමෙන් වළකින්න. ඇඟ සේදීමෙන් හෝ නෑමෙන් පසු නියපොතු සෞම්‍ය වී ඇති නිසා ඒවා කපා ගැනීමට පහසු ය.
• ස්වයං ප්‍රතිකාරයෙන් වළකින්න: කරගැට, කඨූර හම සහ බිබිලි විධිමත් ලෙස ප්‍රතිකාර නොවූ විට එය දියවැඩියා රෝගියෙක්ගේ පාදයක් කපා ඉවත් කිරීම දක්වා දියුණු විය හැකිය. නිවසේදී ශල්‍යකර්ම කිරීමෙන් වළකින්න.නියපොතු කෙළවර හෝ ගැඹුරට වැඩුණු නියපොතු කැපීමෙන් වළකින්න. ඇඟ සේදීමෙන් හෝ නෑමෙන් පසු නියපොතු සෞම්‍ය වී ඇති නිසා ඒවා කපා ගැනීමට පහසු ය.
• පාවහන් නොමැතිව ඇවිදීමෙන් වළකින්න:: දියවැඩියා රෝගියෙක්ට පාවහන් නොමැතිව සිටීමට අවසර ඇත්තේ නිදන විට සහ ස්නානය කරන විට පමණි.
• ඔබගේ පාවහන් සහ මේස් පිළිබඳව අවධානය යොමුකරන්න: සුවපහසු, නිසි ලෙස පාදයට සුදුසු, ඇඟිලි සඳහා මනා ලෙස ඉඩකඩ ඇති පාවහන් තෝරා ගන්න. නිරතුරුව ම දහවල් කාලයේ සපත්තු මිල දී ගන්න. මන්ද දවසේ සවස් බාගයේ පාද ඉදිමෙන බැවිනි.
• පාවහන්හි තියුණු කැපුම් සහ තියුණු ස්ථානවලින් පාද ආරක්ෂා කරගන්න : සපත්තු ඇතුළත ඇති ඝනකම් ස්ථාන, ඉරී ගිය ස්ථාන ඔබගේ සමට ගොරෝසු විය හැකිය. එමනිසා ඒ පිළිබඳව අවධානය යොමු කරන්න.
• පාද සඳහා ව්‍යායාම කරන්න: බොහෝ අවස්ථාවලදී රෝගියාගේ සමස්ත සෞඛ්‍ය සඳහාත්, නිසි ලෙස රුධිරය සංසරණය වීම සඳහාත් ව්‍යායාම කිරීම යහපත් ලෙස බලපායි.
• පාද හරස්ව සිටින සේ තබා නොගන්න: බොහෝ වේලාවක් පාද හරස්ව සිටින සේ තබාගැනීමෙන් අවම ලෙස සිදුවන රුධිර සංසරණය සඳහා තවදුරටත් බාධා පමුණුවයි.
• දුම් පානයෙන් වළකින්න: දියවැඩියාව සහ දුම්පානය ඉතාමත් භයානක සංකලනයකි. එය ඔබගේ පාද සඳහා පමණක් නොව ඔබගේ ජීවිතයට ද බලපෑම් ඇති කරයි.

ඔබ දියවැඩියාවෙන් පෙළෙන්නෙක් නම් ඔබගේ මුහුණට වඩා ඔබ ඔබගේ පාදයන්ට අවධානය යොමු කළ යුතුවේ. සෑම වෛද්‍ය හමුවක දී ම ඔබගේ පාද වෛද්‍යවරයාට පෙන්වන්න. වෛද්‍යවරයා පාද පරීක්ෂා කරන විට දී මේස් ඉවත් කර සිටීමට කල්පනාකාරී වන්න.

ඔබගේ පාද පිළිබඳ සැලකිලිමත් වන්න. ඔබට දියවැඩියාව ඇත්නම් ඔබගේ පාද සාමාන්‍ය තත්ත්වයේ ඇතැයි නොසිතන්න. ඔබට උපතේ දී ම ලැබී ඇති වටිනා පාද ආරක්ෂාකර ගන්න. මන්ද ඔබ පාද පිළිබඳව සැලකිලිමත් නොවූවහොත් මෙලොව ඇති කිසිවකින් ඔබගේ පාදයෙහි හි ඇති වටිනාකම ඔබට යළි ලබා දිය නොහැකිය.

දියවැඩියාව සහ ඇස් රෝග

දියවැඩියාව ඇති පුද්ගලයින් ඇතැම් ඇස් ආශ්‍රිත රෝග වැළඳීම සඳහා නැඹුරුතාවයක් දක්වයි. මෙම තත්ත්වයන් නිසා දරුණු දෘෂ්ටි පිරිහීමක් හෝ අන්ධභාවයක් ඇති විය හැකිය.

දියවැඩියාව නිසා ඇති වන ඇස් රෝග:

ඇසෙහි සුද

ඇසෙහි කාචය මත වලාකුළක් මෙන් ඇති වීම මෙලෙස හඳුන්වන අතර රෝගය ඇති පුද්ගලයින්ගේ මුල් කාලයේ දී මෙය සංවර්ධනය වේ.

ග්ලුකෝමා

ඇස තුළ ඇති තරලයේ පීඩනය වැඩි වී දෘෂ්ටිය නැති වී යාම මෙලෙස හඳුන්වයි. දියවැඩියා රෝගියෙකුට මෙම තත්ත්වය ඇති වීම සාමාන්‍ය පුද්ගලයෙකුට ග්ලුකෝමා වැළඳීමට වඩා දෙගුණයක් වැඩි ය.

ඩයබිටික් රෙටිනෝපති

දියවැඩියා රෝගීන්ට බහුල වශයෙන් වැළඳෙන ඇස් රෝගය මෙය වනවා සේ ම වැඩිහිටියන් බහුල වශයෙන් මෙයට ගොදුරු වේ. දෘෂ්ටි විතානයේ ඇති රුධිර වාහිනී හි ඇති වන වෙනස්කම් නිසා මෙය හට ගනියි. දෘෂ්ටිවිතානය යනු ආලෝකයට සංවේදී ඇස පිටුපස ඇති ස්ථරය යි. ඩයබිටික් රෙටිනෝපති හි ප්රභේද ගණනාවකි.

බැක්ග්රවුන්ඩ් ඩයබිටික් රෙටිනෝපති

දෘෂ්ටි විතානයේ ඇති රුධිර වාහිනී හානි වීමෙන් තරලයක් කාන්දුවීමට හෝ රුධිරය වහනය වීමට හැකිය. මේ නිසා දෘෂ්ටි විතානය ඉදිමීමට සහ එක්සුඩේට්ස් ඇති වීම සිදුවේ.

ප්රෝලිෆරෙටිව් ඩයබිටික් රෙටිනෝපති

මෙම තත්ත්වය ඩයබිටික් රෙටිනෝපති හි සංකීර්ණ තත්ත්වයකි. රෙටිනෝපති නිසා දෘෂ්ටි විතානයේ රුධිර වාහිනී අවහිර වේ. මෙමගින් නව රුධිර නාලිකා වර්ධනය වේ. මෙම නව රුධිර වාහිනී ඉතාමත් ඉක්මනින් හානිවිය හැකි අතර පහසුවෙන් රුධිර වහනය විය හැකිය.

ඇස් හි ඇතිවන සංකීර්ණතා පරීක්ෂා කිරීම (රෙටිනෝපති)

ඩයබිටික් රෙටිනෝපති හඳුනා ගත හැක්කේ දැක්වෙන කොටස් අඩංගු පුළුල් ඇස් පරීක්ෂණයකින් පමණි.

මෙම සටහන මගින් දුරක සිට ඔබගේ දැක්ම කෙතරම් ද යන්න මැන ගත හැක.

1. දෘෂ්ටි ඌණතා පරීක්ෂණය
2. විස්තෘත ඇස් පරීක්ෂාව
• ඇසට බිංදු දමා කණිනිකාව පුළුල් කිරීම හෝ විශාල කිරීම සිදු කරයි.
• මෙමගින් වෛද්‍යවරයාට ඔබගේ ඇස ඇතුළ ඇති රුධිර වාහිනී සහ නහර පරීක්ෂා කිරීම පහසු කරයි.
• ඔබගේ වෛද්‍යවරයා විසින් ඔත්තල්මස්කොප් යන නමින් හඳුන්වන විශේෂ උපකරණයක් භාවිතයෙන්, ලාම්පුවක් හෝ දෘෂ්ටි විතාන කැමරාවක් මගින් ඔබගේ දෘෂ්ටි විතානය සහ නහර පරීක්ෂා කර රුධිර වාහිනි හි රුධිරය වහනය වීමක්, දෘෂ්ටි විතානයේ ඉදිමීමක්, නහර පටක හානි වීමක් සහ අනෙකුත් ඇස් ආශ්‍රිත ගැටළු නිරීක්ෂණය කළ හැකිය.
3. ඇසේ පීඩනය පරීක්ෂා කිරීම (ග්ලුකෝමා)

දියවැඩියා රෝගීන් සඳහා පාවහන් සහ ඔර්තොටික්

දියවැඩියා රෝගීන්ගේ සහ රෝගයේ මූලික අදියරෙහි සිටින්නන්ට අදාළ සමස්ත පාද සත්කාරය කෙරෙහි සහ පෙඩියට්රික් ප්‍රතිකාර සඳහා නිසි ආකාරයේ පාවහන් ඉතාමත් වැදගත් කාර්යයභාරයක් ඉටුකරයි. යමෙකුට දියවැඩියාව ඇත්නම් නිසි පාවහන් පැළඳීම ඉතාමත් වැදගත් වේ. දියවැඩියාට රෝගීන්ට සාමාන්‍යයෙන් ඇති සපත්තුවලට සාපේක්ෂව දියවැඩියා රෝගීන් සඳහා ඇති පාවහන්හි ප්‍රතිලාභ රැසකි. මෙම විශේෂ පාවහන්වල ඇඟිලි සඳහා අවශ්‍ය පරිදි අවකාශය, ලිස්සන සුළු නොවන, සෞම්‍ය, කුෂන් කරන ලද ආවරණයක් ඇත. ස්නායු රෝග පිළිබඳව, සංවේදනය පිළිබඳව යම් සාක්ෂියක් ඇත්නම් නිවැරදි ම පාවහන් තෝරා ගැනීම යනු ඉතාමත් තීරණාත්මක කාරණයකි.

වැරදි වර්ගයේ සපත්තු මගින් ඇති වන අමතර පීඩනය සහ ඝර්ෂණය හෝ නුසුදුසු සපත්තු නිසා බිබිලි, ගොරෝසු සම, කරගැට, වණ ආදිය රෝගී සමක පමණක් නොව නිරෝගී සම මත ද ඇති විය හැකිය. විශේෂ සපත්තු පැළඳීමෙන් බොහෝ රෝගීන්ට බරපතළ දියවැඩියා පාද සංකීර්ණතා වළක්වා ගත හැකිය. එසේම නිවැරදි වර්ගයේ සපත්තු, නිවැරදි ප්‍රමාණයෙන් තෝරා ගැනීම මගින් අනාගතයේ දී ඇති විය හැකි තත්ත්වයන් වළක්වා ගත හැකිය.

දියවැඩියාව සඳහා විශේෂ පාවහන් පැළඳීමෙන් ඇතිවන වාසි

• අනවශ්ය පීඩනයෙන් තොර වීම:

පාවහන් නිසා පාදයේ අනවශ්ය පීඩනයක් ඇති වන ස්ථානයන්හි කරගැට, රළු හම, තුවාල වැනි තත්ත්වයන් ඇති විය හැකිය. දියවැඩියාව සඳහා ඇති පාවහන් නිසා මෙම අධික පීඩනයක් ඇති ස්ථාන වළක්වා ගැනීමට හැකි නිසා දියවැඩියාව නිසා ඇති වන පාද ආශ්‍රිත ගැටළු අවම වේ.

• කම්පනය සහ විකෘති අවම වීම:

විශේෂ සපත්තු පැළඳීමෙන් සමස්ත පාදයේ පතුලට ඇති වන කම්පනය අවම වේ.

•  විකලාංගතා ස්ථාවර කිරීම සහ සහාය වීම::

 විකලාංග ඇතිවන්නේ චර්කොට් සහභාගිත්වය, බදින සැත්කම, මේද පටකය නොමැති වීම, නැවී ඉදිමුණු ඇඟිලි වැනි තත්ත්වයන් නිසා ය.වේදනාව නැති කර ගැනීමට සහ තවදුරටත් හානි වීම වළක්වා ගැනීමට ඒවා කපා ඉවත් කළ යුතුය. විශේෂයෙන් නිපදවූ සපත්තු නිසා මෙම තත්ත්වයන් දියුණුවීමේ අවදානම අවම වේ.

• සුව වීම වැඩි වීම:

ඕෆ් ලෝඩර්ඩ් ඉන්හොල්හ්ස් පැළඳීම නිසා, කරගැට සහ තුවාල ඉක්මනින් සුව වීමේ ප්‍රවණතාවයක් ඇත.

• පාද හි විරූපිතා ඇති අයට විශේෂයෙන් නිපදවන පාවහන්:

විශේෂයෙන් නිපදවන සපත්තුවල ඇතැම් සන්ධිහි චලනයන් පාලනය කරයි. මේ නිසා බොහෝ විට දැවිල්ල, වේදනාව අඩු වීම සහ වැඩ ස්ථාවර සහ ක්‍රියාශීලි පාද සඳහා මගපාදයි. පාදයන්හි විරූපිතා හෝ ගැටළු ඇති අය තමන්ගේ පාදයේ හැඩය සහ ප්‍රමාණයට තැනූ විශේෂයෙන් නිපදවා ගත් දියවැඩියාව සඳහා විශේෂ වූ සපත්තු පැළඳිය යුතුය.

• ඔර්තටික් සහ රෝගීවූ පාදයට සහය:

ශල්‍යකර්මයකින් තොරව පාදයන්හි ඇති ගැටළු නිවැරදි කිරීමට යොදා ගන්නා ක්‍රමවේදයන් ඔර්තටික් ලෙස හඳුන්වයි. සිලිකන් ජෙල් ඉන්සොල්ස්, කුෂන්, ඇඟිලි වෙන් කිරීමට යොදා ගන්නා අයිතම, මෙටාට්රාස්ල් පෑඩ්, ඇගිලි සුරැකුම් සහ ආරුක්කු ආධාර යනාදිය ඔර්තටික් ක්‍රමවේදයන්ට ඇතුළත් ය. පාදයේ ඇති ගැටලුවට අනුව නිසි පරිදි ඔර්තටික් ක්‍රමවේදය තෝරා ගත යුතුය.

දියවැඩියාව සහ ආහාර ගැනීම

දියවැඩියාව යනු ශරීරය පිරිහීමට පත්වන රෝගී තත්ත්වයක් නිසා ග්ලුකෝස් මට්ටම පාලනය කිරීම ඉතාමත් වැදගත්. බෙහෙත් ගැනීමට අමතරව නිතිපතා ව්‍යායාම සිදු කිරීම, ආහාර පාලනය මගින් විශාල ලෙස පාලනය කළ හැකිය.

ශරීරයේ සෑම අවයවයකට ම දියවැඩියාවේ බලපෑම ඇති නිසා නිතිපතා ව්‍යායාම සිදු කිරීම, විධිමත් ආහාර රටාවන් පවත්වා ගැනීම මගින් එදිනෙදා ජීවිතයේ දී රුධිරයේ ග්ලුකෝස් මට්ටම පාලනය කර ගත හැකිය. එමගින් දීර්ඝ කාලීනව ශරීරයේ අවයවහි ඇතිවන සංකීර්ණතා වළක්වා ගත හැකිය.

දියවැඩියාව සඳහා ම ආහාර වේල් නොමැති වුවත් දියවැඩියාව ඇති සෑම කෙනෙක්ම තමන්ගේ සෞඛ්‍ය තත්ත්වයට ගැළපෙන ආහාර වර්ග ගැනීමටත්, ඒවා නිසි ප්‍රමාණයන්ගෙන් ලබා ගැනීමටත් සැලකිලිමත් විය යුතුය.

දියවැඩියා රෝගියකුගේ ආහාර රටාවන් පිළිබඳව සැලකිලිමත් විය යුතු ඇතැම් කරුණු පහත දක්වා ඇත.

• ආහාර වේල් මග ඇරීම හෝ ප්‍රමාද කිරීමෙන් වළකින්න.
• ප්‍රධාන ආහාර වේල් සඳහා නිශ්චය කර ඇති ප්‍රමාණයන්ගෙන් ආහාර අනුභව කර අතර මැද කාලයේ දී සුළු යමක් ආහාරයට ගන්න.
• අවශ්‍ය ප්‍රමාණයෙන් හරිත පත්ර සහිත එළවලු , පළතුරු, ධාන්‍ය ආහාර වේලට එකතු කර ගන්න.
• ව්‍යායාම ආරම්භ කිරීමට පෙර සුළු ආහාරයක් සහ පානයක් (සීනි රහිත) ලබා ගන්න.
• මේදය සහ ලවණ අඩංගු ආහාර ගැනීම අවම කරන්න.
• මද්‍යසාර භාවිතයෙන් වළකින්න.
• අසනීප දිනවල දී ග්ලුකෝස් මට්ටම කළමනාකරණය කරගැනීම සඳහා ගැළපෙන ආහාර ලබා ගන්න.
• ඔබගේ රුධිර ග්ලුකෝස් ප්‍රමාණය නිරෝගී ප්‍රමාණයට වඩා අඩු වූ විට එයට අවශ්‍ය ලෙස තම ආහාර වේල් වෙනස් කර ගන්න.

නිරතුරු ලබා ගත හැකි ආහාර:

• කොළ පාට එළවලු - ගෝවා, ලීක්ස්, බෝංචි, මුරුංගා, කරවිල, සලාද කොළ, ගොටුකොළ, මුකුණුවැන්න, කන්කුන්, අමු දළු යනාදිය
• තන්තු බහුල ආහාර - කොහිල, කෙසෙල්මුව, පතෝල
• ධාන්‍ය - මුං ඇට, කව්පි, කජු, කඩල යනාදිය
• මේදය අඩු හෝ මේදය රහිත කිරි නිෂ්පාදන - යෝගට්, මේදය අවම බටර්, යොදය රහිත කිරි.
• පළතුරු- අලිගැටපේර, කොළ පාට ඇපල්, කොමඩු, පේර, ගස්ලබු, ලෙමන්, ඇඹරැල්ල, නෙල්ලි, බෙලි පළතුරු යනාදිය
• සංකීර්ණ පිෂ්ඨය සහිත ආහාර - දුඹුරු සහල්, අඩක් තැම්බූ සහල්, බාස්මති සහල්, දුඹුරු පාන්, ආටා පිටි, ඕට්ස් සහ මුල් සහිත එළවලු යනාදිය
• මාළු සහ මාළු තෙල් - හුරුල්ලා වැනි කුඩා මාළු, සාලයා සහ හාල්මැස්සන් හොඳ පෝෂණයක් සහ දියවැඩියාවට සඳහා හිතකර වේ.

නිතර ආහාරයට නොගත යුතු හෝ ආහාරයට ගැනීමෙන් වැළකිය යුතු දෑ:

• සිනි අඩංගු සුළු ආහාර.
• ක්ෂණික ආහාර සහ බීම වර්ග.
• මෝල්ටඩ් කිරි.
• ගිතෙල් , බටර්, චීස් වැනි මේදය අධික ආහාර
• සරල සීනි අඩංගු ආහාර - සීනි, පැණි, අයිස් ක්රීම්, ජෑම්, කෝඩියල්, පුඩින්, හකුරු,වියළිමිදි, කේක්, පේස්ට්‍රි සහ කෙටි කෑම

පොදුවේ ඉහත සඳහන් කළ ආහාර භාවිතයෙන් වැළකිය යුතුය. නමුත් එකිනෙකාගේ සෞඛ්‍ය තත්ත්වය, බර, ශාරීරික ක්‍රියාකාරකම් වැනි සාධක මත පදනම්ව නිර්දේශයන් වෙනස් වේ.

ඔබගේ ආහාර සහ පෝෂණවේදී විශේෂඥවරයා සමග ඔබගේ සෞඛ්‍ය තත්ත්වය, කෑම රුචිය, ආහාර ලබා ගත හැකි ආකාරය, සැකසීම සහ ඔබගේ ශරීර ක්‍රියාකාරකම් මට්ටමට අදාළ විස්තර සාකච්ඡා කරන්න.

රසායනාගාර සේවා

සෙලින්කෝ හෙල්ත් රසායනාගාරයේ සේවක මණ්ඩලය තත්ත්වයෙන් උසස් විශ්ලේෂණාත්මකව රෝග විනිශ්චයක් ලබාදීම අපගේ පරිභෝගිකයින් හට ඉහළ ම සේවාවක් ලබා දීමට සැදී පැහැදී සිටියි. අපගේ රසායනාගාර සේවාව හරහා වෘත්තිය සහ සාරධාර්මික වටිනාකම් රැක ගැනීමට අප කැපවෙමු.

ඉහළ ම පාරිභෝගික තෘප්තියක් තහවුරු කරමින්, දේශීය සහ විදේශීය තත්ත්ව පාලන ප්රමිතීන්ට අනුව නිරතුරු වැඩි දියුණු වෙමින් සිටිමු. (ජාත්යන්තර තත්ත්ව පාලන වැඩසටහනට සහභාගී වී ඇත.උදා: බයෝ-රෙඩ් ලැබෝරටරීස් යු.එස්.ඒ.)

අපගේ පරීක්ෂණාගාර සේවා පරාසයේ රුධිරය, මුත්‍රා, මළපහ, ශරීරයේ ඇති අනෙකුත් තරලයන් උපයෝගී කර ගෙන චර්යාත්මක මෙන්ම විශේෂ පරීක්ෂණාගාර විමර්ශනයන් ද සිදු කරයි. අපගේ සේවයේ විශේෂත්වය වන්නේ බොහෝ වාර්තාවන් එදින ම ලබාදීම යි.

උදා:- දියවැඩියාව පරීක්ෂා කිරීමට සිදු කරන HbA1C විශ්ලේෂණ වාර්තාව පැය දෙකකින් නිකුත් කරයි.

අප රසායනාගාරයේ පහත පරීක්ෂණ සිදු කරයි.:

• නිරාහාර රුධිර ග්ලුකෝස් පරීක්ෂණය
• යූරියා පරීක්ෂණය
• ක්රියෙටිනයින්
• පූර්ණ කොලෙස්ටරෝල් පරීක්ෂණය
• යූරික් අම්ල පරීක්ෂණය
• ලිපිඩ පරීක්ෂණය
• අක්මා පරීක්ෂණය
• පූර්ණ රුධිර පරීක්ෂණය
• ඒ.එල්.ටී. ( එස්.ජී.පී.ටි.)
• ඒ.එස්.එල්. (එස්.ජී.ඕ.ටි.)
• ගැම්මා ජී.ටි.
• ඇල්කාලයින් පොස්පේට්
• පූර්ණ ප්රෝටීන් පරීක්ෂණය
• සේරම් ට්‍රයිග්ලිසරයිඩ්
• එච්.අයි.වී.
• ග්ලයිකොස්ලේටඩ් හිමොග්ලොබින් (HbA1C)
• මයික්‍රෝ අල්බියුමින් සඳහා මුත්‍රා පරීක්ෂාව
• යූරින් මුත්‍රා පරික්ෂාව
• ඔක්කුල්ට් සඳහා මළපහ පරීක්ෂණය
• කයිටොලොජි සඳහා පැප් ස්මියර්

ඖෂධාගාරය සහ දියවැඩියා වෙළෙඳසැල

සෙලින්කෝ දියවැඩියා මධ්‍යස්ථානයේ ඇති දියවැඩියා වෙළෙඳපොළේ දියවැඩියාවට අදාළ සියලුම දේ ඇත:

• බෙහෙත් ඖෂධ
• ග්ලුකෝමීටර්
• සීනි වෙනුවට ආදේශක සහ දියවැඩියා රෝගීන් සඳහා ආහාර වර්ග
• බෙහෙත් දැමීමට අවශ්‍ය අයිතමc

දියවැඩියා වෙළෙඳපොළේ ඖෂධාගාරයෙන් ඔබගේ සියලු ඖෂධ අවශ්‍යතා සපුරා ගත හැකි අතර සුදුසුකම් ඇති වෘත්තිය ඖෂධවේදියෙකු මගින් කළමනාකරණය සිදුවේ.

මතක සායනය (ඩිමෙන්ටියා)

වැඩිහිටියන් අතර දැකිය හැකි මතකය මඳ ස්වභාවය ඩිමෙන්ටියා තත්ත්වයේ මූලික අදියරකි. මතක තබාගැනීමට, සිතීමට සහ හේතු දැක්වීමට ඇති හැකියාව හීන වී යාම මෙහි දී සිදුවේ. ඩිමෙන්ටියා තත්ත්වයට හේතුවන බොහෝ රෝගී තත්ත්වයන් ඇති අතර ඔබගේ වෛද්‍යවරයාගෙන් අනෙකුත් ඩිමෙන්ටියා තත්ත්වයන්ගෙන් ඇල්ස්හෙයිමර් රෝගී තත්ත්වය වෙනස් වෙන ආකාරය දැන ගත හැකිය. කෙසේ නමුත් ඩිමෙන්ටියා තත්ත්වයේ රෝග ලක්ෂණ ඔබ දැන ගත යුතු අතර ඒවා ඇති වූ වහා ම ඔබට වෛද්‍ය උපදෙස් ලබා ගත හැකිය. කලින් හඳුනා ගැනීමෙන් මෙම රෝගය පාලනය කර ගැනීමට උපකාරී වේ.

ඩිමෙන්ටියා ඇත්දැයි දැනගැනීමට හැකි ක්‍රමයයක්

ඔබට ඇති ගැටලුවට අදාළ කොටුව පරීක්ෂා කරන්න.

    මතකය අඩුවීම. (සැලසුම් කර ගත් දේ අමතක වීම, මෑතක සිදු වූ සිදුවීම් අමතකවීම, දෙබස්/කතා කළ දේ අමතක වීම.)
    යම් දෙයක් තිබූ ස්ථානය අමතක වී වෙන අයෙකු විසින් එය සොරකම් කර ඇතැයි සිතීම.
    අතරමං වීම. (නුපුරුදු ස්ථානවල දී ව්‍යාකූල වීම, දිනය හෝ වසර අමතක වීම, නිවසට යාමට පාර සොයා ගත නොහැකි වීම.)
    කතා කිරීම. (එකම වචනය හෝ වාක්‍යය කිහිප වරක් පැවසීම, සරල සහ හොඳින් ම දන්නා දෑවල නම් අමතක වීම.)
    විනෝදාංශ, පුද්ගලික ක්‍රියාකාරකම් උනන්දුව අඩු වීම, පෙර සතුටින් යෙදුණු වැඩ කටයුතුවල යෙදීමෙන් වැළකීම.
    මිත්‍රයන්, සේවා ස්ථානයේ සගයින්, පවුලේ සාමාජික සාමාජිකාවන් හඳුනා ගැනීම. (මුනුබුරු මිනිබිරියන් අමතක වීම, මිතුරන් ආගන්තුකයන් යැයි සිතීම.)
    සංකීර්ණ ක්‍රියාකාරකම් හි යෙදීම. (මුදල් ගණන් කිරීම, දුරකථනය භාවිතය, පොත් පරීක්ෂා කිරීම.)
    කරදරකාරී හැසිරීම. (අවේගශීලිභාවය)
    පුද්ගලික සනීපාරක්ෂාව අවම වීම. (දත් මැදීමට අමතක වීම, නොගැළපෙන ඇඳුම් පැළඳීම හෝ සෙමින් ඇඳුම් ඇඳීම, පිරිසිදුවීමේ කටයුතු අමතක කිරීම.)

ඔබ විසින් ඉහත කොටු එකක් හෝ සලකුණු කළේ නම් ඩිමෙන්ටියා හෝ වෙනත් සෞඛ්‍ය ගැටළුවක් ඇතිවීමේ අවදානමක් ඔබට ඇත.

කරුණාකර වැඩිදුර විස්තර සඳහා අමතන්න. +94112490290

පුරුෂයන් සදහා සායනය

කලාතුරකින් සාකච්ඡා කළත් පුරුෂයන්ගේ ලිංගික අක්‍රීයතා යනු පොදු තත්ත්වයකි. ආතතිය, කාන්සාව සහ මානසික පීඩනය මේ සඳහා බලපාන ඇතැම් මානසික සාධකයන් වේ. මෙහි වැදගත්කම සහ දුෂ්කරතාවයන් ඇතිවන්නේ රෝගයේ තත්ත්වය අනුව ය.

පුරුෂයන් විසින් මුහුණ දෙන පොදු ගැටළු:

• ලිංගික ගැටළු.
• ලිංගික ආශාව හීන වීම.
• ලිංගික සක්‍රීයතාවයට පත්වීමට සහ පවත්වා ගැනීමට ඇති අපහසුව.
• අවයවය ඉක්මන් හෝ ප්‍රමාද වීම.
• ලිංගික අවයවයන්හි ව්‍යුහාත්මක අසාමාන්‍යතා.
• මුත්‍රා පිට කිරීමේ දී ඇතිවන අපහසුතා.
• පුරස්ථියේ ගැටළු.

සෙලින්කෝ හෙල්ත් කෙයාර් හි පුරුෂයන් සඳහා ඇති සායනය: මෞත්‍රික රෝග ගැටළු සහ පුරුෂයන්ගේ ලිංගාශ්‍රිත ගැටළු සඳහා සෙලින්කෝ හෙල්ත් කෙයාර්හි පුරුෂයන් වෙනුවෙන් ඇති සායනයේ දී විශේෂයෙන් ප්‍රතිකාර කරයි. මෙම සායනය හොඳම පහසුකම්, වෛද්‍ය කණ්ඩායමක් සහ පහසුකම්වලින් යුක්ත ය. සෑමවිට ම අපගේ මිත්‍රශීලි සහ වෘත්තීය විනයෙන් හෙබි කාර්යය මණ්ඩලය මගින් ඔබගේ පුද්ගලිකත්වය සුරකින අතර ඔබට රෝහල් මානසිකත්වයෙන් තොර සුවදායි පරිසරයක හිදිමින් ප්‍රතිකාර ලබා ගැනීමේ හැකියාව අප සායනය මගින් ලබා දේ.

අප ලබා දෙන සේවාවන්ට පහත සේවාවන් ද අයත් ය:

• අපගේ සායනය ලිංගික අක්‍රීයතා පිළිබඳව සහ මෞත්‍රික රෝග විශේෂඥයින් විසින් නිරතුරු අධීක්ෂණයට ලක්වේ.
• අත්දැකීම්වලින් පොහොසත් වෛද්‍යවරුන් සමග තම ගැටලුව සාකච්ඡා කිරීමට සෑම පුද්ගලයෙකුට ම අවස්ථාව ලැබීම.
• මෙම තත්ත්වයට අදාළ අනෙකුත් ලක්ෂණ පිළිබඳව පරීක්ෂා කිරීම.
• මේ රෝගි තත්ත්වය හා සබැඳි අනෙකුත් දුබලතා හඳුනා ගෙන ඒ සඳහා අවශ්‍ය උපදෙස් ලබාදීම.
• ලිංගික ගැටළු සඳහා ගැළපෙන ප්‍රතිකාර ලබා දීම.

පුද්ගලිකභාවය සහතිකයි.

සෙලින්කෝ හෙල්ත් කෙයාර් මධ්‍යස්ථානය මගින් අල්ට්රාසවුන්ඩ් පරීක්ෂණ, එක්ස් රේ, මැමෝග්‍රැම්, අල්ට්රාසවුන්ඩ් FNAC යනාදී වශයෙන් ඉතා පුළුල් පරාසයක විහිදුන විකිරණ සේවා ලබා දේ. විශිෂ්ට සහ නිවැරදි සේවාවක් ලබා දීමට උසස් තාක්ෂණයෙන් යුතු නවීනතම යන්ත්‍ර අප මධ්‍යස්ථානය සතුව ඇත.